Bakıda və Abşeron yarımadasında dəyişkən buludlu olacaq. Əsasən yağmursuz keçəcək. Gecə və səhər bəzi yerlərdə zəif duman,çiskin olacaq. Güclü cənub-qərb küləyi əsəcək, axşam mülayim şimal-qərb küləyi ilə əvəz olunacaq. Gecə 9-12, gündüz 16-19, Bakıda gecə 10-12, gündüz 16-18 dərəcə isti olacaq. Atmosfer təzyiqi 770 mm civə sütunundan 762 mm civə sütununa enəcək, nisbi rütubət gecə 80-90, gündüz 60-65 faiz olacaq.

Naxçıvan Muxtar Respublikasında əsasən yağmursuz keçəcək.Arabir güclənən cənub- qərb küləyi əsəcək, bəzi yerlərdə arabir güclənəcək.Gecə 1 dərəcə şaxtadan 4 dərəcəyədək isti, gündüz 17-22 dərəcə isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində əsasən yağmursuz keçəcək. Arabir güclənən cənub-qərb küləyi əsəcək,bəzi yerlərdə güclü olacaq. Gecə 6-10, gündüz 17-22 dərəcə isti olacaq.

Qazax- Gəncə, Goranboy, Tərtər- Ağdam- Ağcabədi- Füzuli-Cəbrayıl bölgələrində əsasən yağmursuz keçəcək. Cənub- qərb küləyi əsəcək, gündüz bəzi yerlərdə arabir güclənəcək. Gecə 7-10, gündüz 18-22 dərəcə isti olacaq.

Baləkən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar-Xaçmaz bölgələrində əsasən yağmursuz keçəcək. Gecə və səhər bəzi yerlərdə duman, çiskin olacaq. Arabir güclənən cənub- qərb küləyi əsəcək,gündüz bəzi yerlərdə güclü olacaq. Gecə 7-10, gündüz 17-22, dağlarda gecə 4-6, gündüz 14-17 dərəcə isti olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Gecə və səhər bəzi yerlərdə duman olacaq. Gündüz bəzi yerlərdə arabir güclü cənub- qərb küləyi əsəcək. Gecə 8-12, gündüz 19-24 dərəcə isti olacaq.

Masallı-Lənkəran-Astara- Lerik, Yardımlı bölgəsində əsasən yağmursuz keçəcək. Gecə və səhər bəzi yerlərdə duman,çiskin olacaq. Mülayim cənub-qərb küləyi əsəcək,dağlıq ərazilərdə arabir güclənəcək. Gecə 10-12, gündüz 18-23, dağlarda gecə 5-9, gündüz 14-17 dərəcə isti olacaq.