Bakıda və Abşeron yarımadasında dəyişkən buludlu olacağı, bəzi yerlərdə duman, çiskin olacağı, gün ərzində əsasən yağmursuz keçəcəyi gözlənilir. Şimal küləyi əsəcək, gündüz cənub-şərq küləyi ilə əvəz olunacaq.Gecə 9-11, gündüz 17-20, Bakıda gecə 9-11, gündüz 17-19 dərəcə isti olacaq.Atmosfer təzyiqi 768 mm civə sütunundan 765 mm civə sütununadək enəcək,nisbi rütubət gecə 70-80, gündüz 65-75 faiz olacaq.

Naxçıvan Muxtar Respublikasında yağmursuz keçəcək. Şərq küləyi əsəcək. Gecə 1 dərəcə şaxtadan 4 dərəcəyədək isti, gündüz 18-23 dərəcə isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində yağmursuz keçəcək. Səhər bəzi yerlərdə zəif duman olacaq.Zəif şərq küləyi əsəcək. Gecə 4-8, gündüz 15-19 dərəcə isti olacaq.

Qazax- Gəncə, Goranboy, Tərtər- Ağdam- Ağcabədi- Füzuli-Cəbrayıl bölgələrində yağmursuz keçəcək. Səhər bəzi yerlərdə zəif duman olacaq. Şərq küləyi əsəcək. Gecə 6-10, gündüz 17-22 dərəcə isti olacaq.

Baləkən-Zaqatala-Qax- Şəki- Oğuz- Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində yağmursuz keçəcək. Gecə və səhər bəzi yerlərdə zəif duman olacaq.Zəif şərq küləyi əsəcək. Gecə 5-10, gündüz 15-20, dağlarda gecə 2-7, gündüz 10-15 dərəcə isti olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Gecə və səhər bəzi yerlərdə duman, çiskin olacaq. Şərq küləyi əsəcək. Gecə 5-10, gündüz 17-22 dərəcə isti olacaq.

Masallı-Lənkəran-Astara-Lerik, Yardımlı bölgəsində yağmursuz keçəcək. Gecə və səhər bəzi yerlərdə duman olacaq.Şərq küləyi əsəcək. Gecə 7-11, gündüz 17-20, dağlarda gecə 5-10, gündüz 13-18 dərəcə isti olacaq.