Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, avqust ayında havanın orta aylıq temperaturunun iqlim normasına yaxın, bəzi yerlərdə isə bir qədər yüksək olacağı gözlənilir.

Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı gözlənilir.

Sinoptiklərin verdikləri proqnoza əsasən, avqust ayında Bakıda və Abşeron yarımadasında havanın orta aylıq temperaturunun iqlim normasına yaxın və bir qədər yüksək olacağı gözlənilir. Gecələr 22-27 dərəcə isti təşkil edəcək. Gündüzlər 30-35 dərəcə isti olacağı, ayın birinci yarısında 38-41 dərəcəyədək yüksələcəyi gözlənilir.

Aylıq yağıntının miqdarının iqlim normasına yaxın (norma 6-8 mm) olacağı gözlənilir.

Qəzənfər  QASIMOV,
“Xalq  qəzeti”