Bakıda və Abşeron yarımadasında buludlu hava şəraitinin üstünlük təşkil edəcəyi, gün ərzində yağış yağacağı gözlənilir. Mülayim şimal-şərq küləyi əsəcək. Gecə 8-11, gündüz 11-14, Bakıda gecə 8-10, gündüz 12-14 dərəcə isti olacaq. Atmosfer təzyiqi 773 mm civə sütunundan 765 mm civə sütununa enəcək, nisbi rütubət 90-95 faiz olacaq.

Naxçıvan Muxtar Respublikasında arabir yağış yağacağı gözlənilir. Ayrı-ayrı rayonlarda intensiv olacağı, dağlıq ərazilərdə yağıntıların qara keçəcəyi ehtimalı var. Qərb küləyi əsəcək. Gecə 4-9, gündüz 10-15 dərəcə isti olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində arabir yağış yağacağı gözlənilir. Ayrı-ayrı rayonlarda intensiv olacağı, bəzi yerlərdə yağıntıların qara keçəcəyi ehtimalı var. Qərb küləyi əsəcək. Gecə 2 dərəcə şaxtadan 3 dərəcəyədək isti, gündüz 3-6 dərəcə isti olacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində arabir yağış yağacağı gözlənilir. Qərb küləyi əsəcək. Ayrı-ayrı rayonlarda intensiv olacağı, dağlıq ərazilərdə yağıntıların qara keçəcəyi ehtimalı var. Gecə 6-10, gündüz 10-15 dərəcə isti olacaq.

Balakən-Zaqatala-Qax-Şəki- Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz rayonlarında arabir yağış yağacağı gözlənilir. Ayrı-ayrı rayonlarda intensiv olacağı, bəzi yerlərdə yağıntıların qara keçəcəyi ehtimalı var. Qərb küləyi əsəcək. Gecə 3-7, gündüz 8-13, dağlarda gecə 1-3, gündüz 3-6 dərəcə isti olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında arabir yağış yağacağı gözlənilir. Ayrı-ayrı rayonlarda intensiv olacağı ehtimalı var. Qərb küləyi əsəcək. Gecə 8-11, gündüz 11-15 dərəcə isti olacaq.

Masallı, Yardımlı, Lerik, Lənkəran, Astara rayonlarında arabir yağış yağacağı gözlənilir. Ayrı-ayrı rayonlarda intensiv olacağı, dağlıq ərazilərdə yağıntıların qara keçəcəyi ehtimalı var. Şimal- şərq küləyi əsəcək. Gecə 9-13, gündüz 13-16, dağlarda gecə 4-7, gündüz 7-10 dərəcə isti olacaq.