Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, aprel ayında havanın orta aylıq temperaturunun iqlim normasından bir qədər yüksək olacağı gözlənilir.
Yağıntılar respublika ərazisində qeyri-bərabər paylanacaq.
Aylıq yağıntının miqdarının iqlim normasına yaxın, bəzi aran rayonlarında isə normadan az olacağı ehtimal olunur.
Sinoptiklərin verdikləri proqnoza əsasən aprel ayında Bakıda və Abşeron yarımadasında havanın orta aylıq temperaturunun 12-14 dərəcə isti olacağı gözlənilir ki, bu da iqlim normasına yaxın və 1-2 dərəcə yüksəkdir. Gecələr 6-11 dərəcə isti, ayın ikinci yarısınıda isə 12-14 dərəcə isti təşkil edəcək. Gündüzlər 13-18 dərəcə isti olacağı, ayrı-ayrı günlərdə 20-25 dərəcəyədək yüksələcəyi gözlənilir.
Aylıq yağıntının miqdarının iqlim normasına yaxın (norma 23-33 mm) olacağı ehtimal olunur.

Qəzənfər QASIMOV, "Xalq qəzeti"