Bakıda və Abşeron yarımadasında əsasən yağmursuz keçəcəyi, lakin gecə bəzi yerlərdə az yağıntılı olacağı ehtimalı var. Arabir güclənən şimal-qərb küləyi əsəcək, gündüz mülayimləşəcək. Gecə 0-3, gündüz 4-6 dərəcə isti, Bakıda gecə 1- 3, gündüz 4-6 dərəcə isti olacaq. Atmosfer təzyiqi 752 mm civə sütunundan 757 mm civə sütununa yüksələcək, nisbi rütubət 70-80 faiz olacaq.

Naxçıvan Muxtar Respublikasında əsasən yağmursuz keçəcək. Lakin gecə və səhər zəif qar yağacağı gözlənilir. Arabir duman olacaq. Şərq küləyi əsəcək. Gecə 6-11 dərəcə şaxta, gündüz 0-5 dərəcə isti, bəzi yerlərdə 3 dərəcə şaxta olacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində gün ərzində əsasən yağmursuz keçəcəyi, lakin səhər və axşam bəzi yerlərdə zəif qar yağacağı ehtimalı var. Səhər ayrı-ayrı yerlərdə duman olacaq. Şərq küləyi əsəcək. Gecə 4-9 dərəcə şaxta, gündüz 2 dərəcə şaxtadan 3 dərəcəyədək isti olacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində əsasən yağmursuz keçəcək. Gecə və səhər bəzi yerlərdə duman, çiskin olacaq. Şərq küləyi əsəcək. Gecə 3-8 dərəcə şaxta, gündüz 1-6 dərəcə isti olacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində gün ərzində əsasən yağmursuz keçəcəyi, lakin səhər və axşam bəzi rayonlarda az qar yağacağı ehtimalı var. Səhər ayrı-ayrı yerlərdə duman olacaq. Şərq küləyi əsəcək. Gecə 3-8 dərəcə şaxta, gündüz 0-5 dərəcə isti, dağlarda gecə 8-11, gündüz 0-3 dərəcə şaxta, yüksək dağlıq ərazilərdə havanın minimal temperaturu 10-15 dərəcə şaxta olacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında əsasən yağmursuz keçəcək. Gecə və səhər bəzi yerlərdə duman, çiskin olacaq. Şərq küləyi əsəcək. Gecə 4 dərəcə şaxtadan 1 dərəcəyədək isti, gündüz 3-7 dərəcə isti olacaq.

Masallı- Lənkəran- Astara- Lerik, Yardımlı bölgələrində gün ərzində əsasən yağmursuz keçəcəyi, lakin səhər və axşam bəzi yerlərdə az yağıntılı olacağı ehtimalı var. Şərq küləyi əsəcək. Gecə 1-3, gündüz 4-6 dərəcə isti, dağlarda gecə 3-8 dərəcə şaxta, gündüz 0-3 dərəcə isti olacaq.