Bakıda və Abşeron yarımadasında arabir qar yağacağı, şimal-qərb küləyinin saniyədə 15-20, 23- 28 metrədək güclənəcəyi ilə əlaqədar çovğun olacağı ehtimalı var. Gecə və gündüz 1-5 dərəcə şaxta, Bakıda gecə və gündüz 2-4 dərəcə şaxta olacaq. Atmosfer təzyiqi normadan yüksək 764 mm civə sütunundan 768 mm civə sütununa yüksələcək, nisbi rütubət 85-95 faiz olacaq. Yollar buz bağlayacaq.

Naxçıvan Muxtar Respublikasında arabir qar yağacağı gözlənilir. Bəzi yerlərdə intensivləşəcəyi ehtimalı var. Qərb küləyi əsəcək, arabir güclənəcək. Gecə 5-10, gündüz 0-4 dərəcə şaxta olacaq. Yollar buz bağlayacaq.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən-Gədəbəy bölgələrində arabir qar yağacağı gözlənilir. Bəzi yerlərdə intensiv və güclü olacağı ehtimalı var. Qərb küləyi əsəcək, arabir güclənəcək. Gecə 10-15, gündüz 3-8 dərəcə şaxta olacaq. Yollar buz bağlayacaq.

Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl bölgələrində arabir qar yağacağı gözlənilir. Bəzi yerlərdə intensivləşəyi ehtimalı var. Qərb küləyi əsəcək, arabir güclənəcək. Gecə 3-8, gündüz 0-3 dərəcə şaxta olacaq. Yollar buz bağlayacaq.

Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən, Şabran, Quba-Qusar- Xaçmaz bölgələrində arabir qar yağacağı gözlənilir. Bəzi yerlərdə intensiv və güclü olacağı ehtimalı var. Qərb küləyi əsəcək, arabir güclənəcək. Gecə 6-11, gündüz 1-6 dərəcə şaxta, dağlarda gecə 13-18, gündüz 6-10 dərəcə şaxta, yüksək dağlıq ərazilərdə havanın minimal temperaturu 18-23 dərəcə şaxta olacaq. Yollar buz bağlayacaq.

Mərkəzi Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında arabir qar yağacağı gözlənilir. Bəzi yerlərdə intensivləşəcəyi ehtimalı var. Qərb küləyi əsəcək, arabir güclənəcək. Gecə 3-8, gündüz 0-3 dərəcə şaxta olacaq.

Masallı-Lənkəran-Astara-Lerik, Yardımlı bölgələrində arabir qar yağacağı gözlənilir. Bəzi yerlərdə intensiv və güclü olacağı ehtimalı var. Şimal-şərq küləyi əsəcək, arabir güclənəcək. Gecə və gündüz 0-4 dərəcə şaxta, dağlarda gecə 7-11, gündüz 4-7 dərəcə şaxta olacaq.