Gürcüstanın Batumi şəhərində keçirilən kişilər arasında şahmat üzrə Avropanın şəxsi çempionatında 300-dən çox rəqib, o cümlədən 143 qrossmeyster iştirak edir. Onlar ümumi mükafat fondu 100 min avro olan yarışda medallarla yanaşı həm də Dünya kuboku turnirində iştirak etmək hüququ verən 23 vəsiqə uğrunda mübarizə aparırlar.

Turnirdə bir qrup Azərbaycan təmsilçisi də yarışır. İlk iki turda onlar arasında  ən yaxşı nəticə göstərmiş Rauf Məmmədov, Qədir Hüseynov, Eltac Səfərli və Nicat Abasov hərəyə 1,5 xal toplamışlar.

Bu gün üçüncü turun görüşləri keçiriləcək. On bir turdan ibarət turnirə martın 28-də yekun vurulacaq.

“Xalq qəzeti”