Pxençxanda (Koreya Respublikası) XII Qış Paralimpiya Oyunlarının 13 mart proqramından sonra ümumkomanda hesabında birincilik uğrunda  mübarizədə gərginlik son həddə çatmıışdır. Çərşənbə axşamı böyük uğurla çıxış edib yeddi medal qazanan Rusiya paralimpiyaçıları lider ABŞ millisinə çox  yaxınlaşmışlar. Elə Ukrayna  təmsilçiləri də onlardan geri qalmırlar.

Paralimpiadanın  növbəti startlarından sonra amerikalılar 17 medal – 6 qızıl, 6 gümüş və 5 bürünc mükafat qazanmışlar. Rusiyalılar 13 dəfə fəxri kürsüyə yüksəlmişlər – 5 qızıl, 5 gümüş, 3 bürünc medal. Ukrayna idmançıları isə 15 medala sahib olmuşlar – 5 qızıl, 4 gümüş, 6 bürünc mükafat.

Medal qazanmış ölkələrin siyahısında dörd – beşinci pillələrdə olan Slovakiya (5+1+1) və Fransa da (4+5+3) Paralimpiadanın finişinə mükafatçılar üçlüyündə çatmaq imkanını özlərində saxlayırlar.

O.BAYRAMOV,
“Xalq qəzeti”