UEFA Çempionlar Liqası turnirinin dörddəbir  final mərhələsinə ilk  vəsiqələri İspaniyanın  “Real” (Madrid) və İngiltərənin “Liverpul” klubları qazanmışlar.

“Real” səkkizdəbir finalda Fransanın “Pari Sen-Jermen” “səddi”ni iki qələbə ilə keçmişdir. Madriddə ilk oyunda 3:1  hesablı  qələbə qazanan ispanlar Parisdə də rəqiblərindən güclü olmuşlar – 2:1.

“Liverpul” (İngiltərə) isə iki oyunun yekununda “Portu”nu turnirdən kənarlaşdırmışdır. Portuqaliyada 5:0-dan sonra evdə qolsuz heç-heçə - 0:0.

Dörddəbir  finalın  daha iki iştirakçısı bugünkü oyunlarda müəyyənləşəcək. Bu görüşlərdə İngiltərənin “Tottenhem” və “Mançester Siti” komandaları müvafiq surətdə İtaliyanın “Yuventus”  və İsveçrənin “Bazel” klublarını qəbul edəcəklər.

“Xalq qəzeti”