Bakıda keçirilən qadınlar arasında şahmat üzrə Azərbaycan çempionatının ilk dörd turunda ən yaxşı nəticəni Ülviyyə Fətəliyeva və Xanım Balacayeva göstərmişlər. Dördüncü turda Fətəliyeva ağ fiqurlarla Türkan Məmmədyarovaya qalib gəlmiş, Balacayeva isə qaralarla Səbinə İbrahimova üzərində qələbə qazanmışdır. Bu uğurlardan sonra liderlər xal ehtiyatlarını 3,5-ə çatdırmışlar.

Üç xalla üçüncü yeri tutan Günay Məmmədzadə hesabat turunda Nərmin Söyünlünü məğlubiyyətə uğratmışdır.

Bu gün keçiriləcək beşinci turla çempionatın birinci yarısına yekun vurulacaq. Bu turda Fətəliyeva 2,5 xala malik Zeynəb Məmmədyarova ilə görüşəcək, Balacayeva isə Günay Məmmədzadə ilə qarşılaşacaq.

“Xalq qəzeti”