Qadınlar arasında şahmat üzrə  Azərbaycan çempionatında iki turun oyunları arxada qalmışdır. Turnir cədvəlinə 2 xala malik  Səbinə İbrahimova başçılıq  edir. Lider ikinci turda Nərmin  Məmmədovaya qalib gəlmişdir.

Hərəyə 1,5 xal toplayan səkkiz  iştirakçı Ülviyyə Fətəliyeva, Gülnar Məmmədova, Günay  Məmmədzadə,  Xanım  Balacayeva, Gövhər Beydullayeva,  Zeynəb və Turkan  Məmmədyarovalar, Aydan Höccətova liderdən  yarım xal geri  qalırlar.

İyirmi şahmatçının  mübarizə apardığı və doqquz turdan ibarət çempionatda bu gün  üçüncü turun  görüşləri   keçiriləcəkdir.

“Xalq qəzeti”