Koreya Respublikasının Pxençxan şəhərində XXIII Qış Olimpiya Oyunlarının növbəti yarış günü, fevralın 16-da Belarus Respublikasının nümayəndə heyəti böyük sevinc hissi keçirmişdir. Bu ölkənin fristaylçısı Anna Quskova xizəkçilik akrobatikası yarışlarında qızıl medal qazanmışdır.

Bu, Olimpiadada Belarus komandasının ilk mükafatıdır. Quskovanın müvəffəqiyyəti onun ölkəsini Oyunlarda medal qazanmış dövlətlərin siyahısında 12-ci pilləyə yüksəltmişdir.

Həmin siyahıda ilk üçlüyü isə Almaniya (9 qızıl, 2 gümüş, 4 bürünc medal), Norveç (6+8+5) və Hollandiya (6+5+2) təşkil edirlər.

“Xalq qəzeti”