Martın 30-dan aprlein 1-dək Tbilisidə qadın şahmatçılar arasında rapid və blits üzrə Avropa çempionatı keçiriləcəkdir. Hələlik 60-a qədər şahmatçı çempionatda çıxış edəcəyini bildirmişdir.

Gürcüstan paytaxtında Azərbaycanı Gülnar Məmmədova, Səbinə İbrahimova və Gövhər Beydullayeva təmsil edəcəklər.

Birinci olaraq rapid turnirinə start veriləcəkdir. Sürətli şahmatın bu növündə qalib və mükafatçılar iki gün ərzində (30-31 mart) müəyyənləşəcək. Aprelin 1-də isə blits turniri keçiriləcəkdir.

Avropa çempionatı iştirak,ılarının təxminən yarısı qrossmeyster olacaq. Qarşıda Azərbaycan şahmatçılarını Valentina Qunina (Rusiya), Bela Kotenaşvili (Gürcüstan), Elizabet Paets (Almaniya), Monika Soçko (Polşa), Pia Kramlinq (İsveç) kimi təcrübəli rəqiblərlə görüşlər gözləyir.

“Xalq qəzeti”