Azərbaycanın ən yaxşı yeniyetmə və gənc güləşçiləri çətin sınaq ərəfəsindədirlər. Fevralın 20-dən 23-dək Bakı İdman Sarayında keçiriləcək sərbəst və yunan-Roama güləşi üzrə ölkə çempionatı onların hazırlığına ciddi baxışa çevriləcək.

Qarşıdakı yarışlarda fərqlənib fəxri kürsüyə yüksələn “sərbəstlər” və “klassiklər” yığma komandaların məşqlərinə cəlb olunacaqlar.

Fevralın 20-21-də yeniyetmələr, sonrakı iki gündə isə gənc güləşçilər qalib və mükafatçıları müəyyənləşdirəcəklər.

Ölkə çempionatının açılış mərasimi fevralın 20-də saat 17-də başlanacaq.

“Xalq qəzeti”