İran İslam Respublikasının Mazandaran ostanında finişə yaxınlaşmaqda olan 26-cı “Fajr Sabalan Cup” beynəlxalq şahmat turnirində 6-cı turun görüşləri keçirilmişdir. Azərbaycanlı qrossmeyster Azər Mirzəyev bu turda qara fiqurlarla iranlı M. Pouya İdaniyə qarşı oynamış və heç-heçəyə razılaşmışdır.

Altı turdan sonra hesabında 4,5 xal olan təmsilçimiz altıncı yeri tutur. O 5 xalla cədvəlin ilk iki pilləsində irəliləyən M. Amin Tabatabaei və Yuri Kuzubovdan (Ukrayna) yarım xal geri qalır. Daha iki iranlı şahmatçının 5 xalı var.

Bu gün keçiriləcək 7-ci turda Mirzəyev onun kimi 4,5 xala malik rusiyalı Pavel Ponkratovla görüşəcək.

“Xalq qəzeti”