Moskvada keçirilən "Aeroflot Open" beynəlxalq şahmat fevtivalının "A" turniri tədricən finişə yaxınlaşır. Doqquz turdan ibarət yarışın növbəti iki raundunda azərbaycanlı qrossmeyster Rauf Məmmədov daha bir xal qazanmışdır. Bu turlarda o, rusiyalı Nikita Vityuqov və ispan İvan Lopes Salqado ilə görüşlərdən heç-heçə ilə ayrılmışdır.
Altı turdan sonra turnirin vahid lideri vyetnamlı Le Quanq Lyömün 5 xalı vardır. Beş iştirakçı ondan yarım xal geri qalır. Məmmədov və daha 13 rəqib 4 xal toplamışdır. Bu turnirdə digər təmsilçimiz Nicat Məmmədov 2,5 xala malikdir.
Dünən yeddinci turun görüşləri keçirilmişdir. Rauf Məmmədov bu turda ağlarla rusiyalı İvan Bukavişinə qarşı oynamışdır.