UEFA Çempionlar Liqası turnirinin səkkizdəbir final mərhələsində mübarizəni davam etdirəcək 16  komandadan 8-i:  Türkiyənin “Beşiktaş”, İngiltərənin “Mançester Yunayted”, “Mançester Siti”, “Liverpul”, “Tottenhem”, İtaliyanın “Roma”, İspaniyanın “Barselona” və  Fransanın “Pari Sen-Jermen” klubları bu mərhələnin qapısını öz qruplarının qalibi kimi açmışlar.

Digər 8 komanda: “Real”, “Sevilya” (hər ikisi İspaniya), “Bazel” (İsveçrə), “Bavariya” (Almaniya), “Çelsi” (İngiltərə),  “Yuventus” (İtaliya), “Şaxtyor” (Ukrayna) və “Portu” (Portuqaliya) isə qruplarda finişə ikinci çatmışlar.

Səkkizdəbir  finalda görüşəcək rəqiblər dekabrın 11-də İsveçrənin Nyon şəhərində keçiriləcək püşkatma mərasimində müəyyənləşəcək. Qrupların qalibləri ikinci yerləri tutmuş komandalarla qarşılaşacaqlar. Deməli, “Beşiktaş” qrup mərhələsində Azərbaycanın “Qarabağ” komandasının rəqibi olmuş “Çelsi” ilə görüşə bilər.

Qarşıdakı mərhələnin final oyunları 2018-ci ilin fevral-mart aylarında keçiriləcək.

Oqtay BAYRAMOV, “Xalq qəzeti”