Minskdə Avropa Oyunları–2019-da 1000 nəfərdən çox KİV nümayəndəsi akkreditasiya olunacaq.

Bunu oktyabrın 25-də Belarus Teleqraf Agentliyinin (BELTA) saytında keçirilmiş onlayn konfrans zamanı həmin ölkənin informasiya naziri Aleksandr Karlyukeviç bəyan edib.

Nazir deyib: Gözlənildiyinə görə, müxtəlif ölkələrdən 1000 nəfərdən çox KİV nümayəndəsi akkreditasiya olunacaq. Jurnalistlərin “Belarus”, “Yubileynaya”, “Orbita”, “Planeta” və “Turist” mehmanxanalarında yerləşdirilməsi nəzərdə tutulur.

“2019-cu il II Avropa Oyunlarının Müdiriyyəti” fondunun direktor müavini Anatoli Kotov da öz növbəsində bildirmişdir ki, KİV nümayəndələrinin qeydiyyata alınmasına Oyunlara təxminən bir il qalmış başlanılacaq. O, həmçinin qeyd edib ki, Minskdə II Avropa Oyunlarına 30 minə qədər xarici turistin gələcəyi gözlənilir.

Oqtay BAYRAMOV,
“Xalq qəzeti”