Taypeydə (Tayvan) XXIX Ümumdünya Yay Universiadasının növbəti yarış günündə daha bir Azərbaycan idmançısı çıxışlarını fəxri kürsüdə başa vurmuşdur.

Taekvondoçu Ayxan Tağızadə (68 kq) Fransa, Böyük Britaniya, İspaniya və Ermənistan təmsilçilərinə qalib gələrək finala çıxmış, ancaq həlledici görüşdə rusiyalı rəqibinə uduzub gümüş mükafatçı olmuşdur.

Bu, Azərbaycanın tələbə idmançılarının Universiadada artıq üçüncü medalıdır. Xəbər verdiyimiz kimi, Tağızadədən əvvəl cüdoçular Zelim Kotsoyev (100 kq) qızıl, Firudin Dadaşov (90 kq) isə bürünc mükafat qazanmışlar.

Oqtay BAYRAMOV,
“Xalq qəzeti”