Azərbaycan idmançıları Finlandiyanın Tampere şəhərində başa çatmış gənclər arasında sərbəst güləş üzrə dünya birinciliyinin startında qazandıqları qızıl medala ertəsi gün daha iki mükafat əlavə etmişlər.

Artıq xəbər verildiyi kimi, turnirin birinci günü 50 kq çəki dərəcəsində çıxış edən Şahin Muxtarov bütün rəqiblərinə, o cümlədən həlledici final görüşündə Karen Zurabyana (Ermənistan) qalib gələrək fəxri kürsünün zirvəsinə yüksəlmişdir.

Dünya birinciliyinin ikinci günü isə Əfqan Xaşalov (55 kq) və Hacımurad Məhəmmədsəidov (84 kq) bürünc mükafatlara sevinmişlər. Onlar üçüncü yer uğrunda həlledici görüşlərdə müvafiq surətdə iranlı və hindistanlı rəqiblərini məğlubiyyətə uğratmışlar.

Oqtay BAYRAMOV,
“Xalq qəzeti”