Azərbaycan şahmatının liderləri Şəhriyar Məmmədyarov və Teymur Rəcəbov İsveçrənin Cenevrə şəhərində keçirilən FİDE-nin Qran-pri yarışları seriyasından üçüncü mərhələ turnirinə inamla başlamışlar. Start turları hər iki təmsilçimizə sevinc gətirmişdir.

Yarışın birinci günü Aniş Giriyə (Hollandiya) qalib gələn Rəcəbov ikinci turda dəqiq gedişlərlə ukraynalı Pavel Elyanovu da məglubiyyətlə barışmaga məcbur etmişdir.

Məmmədyarov isə turnirin birinci günu Boris Gelfandla (İsrail) heç-heçəyə razılaşdıqdan sonra növbəti görüşdə rusiyalı qrossmeyster Ernesto İnarkiyev üzərində qələbə qazanmışdır.

İlk iki oyunda yüzfaizli nəticə göstərib 2 xal toplayan Rəcəbov Cenevrə Qran-prisinin turnir cədvəlində vahid lider mövqeyinə yüksəlmişdir.Turnirin 18 iştirakçısından təkcə Teymur hər iki görüşdən qalib ayrılmagı bacarmışdır.

Cədvəldə liderin ən yaxın izləyiciləri Məmmədyarov, ingiltərəli Maykl Adams, Aleksandr Qrişuk (Rusiya), Levon Aronyan (Ermənistan) və Pentala Harikrişna (Hindistan) liderdən yarım xal geri qalırlar.

Doqquz turdan ibarət olan turnirdə dünən üçüncü raundun görüşləri keçirilmişdir.

Oqtay BAYRAMOV,
“Xalq qəzeti”