Bunu mətbuat konfransında ­“Mercedes” komandasının pilotu ­Valtteri Bottas deyib.

 “Mövqeyimin əlverişsiz olması çıxışıma o qədər də təsir göstərə bilməz. Əvvəllər də yaxşı olmayan mövqelərdən yarışa başlamışam. Hesab etmirəm ki, bu, mənə nə isə çətinlik törətsin”.

Valtteri Bottas qeyd edib ki, komanda yoldaşları ilə münasibətləri yüksək səviyyədədir. “Biz bir-birimizi yaxşı başa düşürük. Azərbaycan Qran-prisi üçün xüsusi planımız var. Bu planla çıxış edərək yüksək nəticə qazanmaq istəyirik.

Daha sonra favorit bildirib ki,  bolidlərin konfiqurasiyasındakı dəyişikliklər onları döngələrdə daha sürətli, düz yolda ləng edib.

Eyni zamanda, V.Bottas bildirib ki, dairələri başa vurma böyük ehtimalla azalacaq.

Qeyd edək ki, ötən il Bakı Şəhər Halqasında Vallteri Bottas tərəfindən vurulmuş sürət rekordu saatda 378 kilometr olub.

Hazırladı:
Anar TURAN, “Xalq qəzeti”