“Mercedes” komandasının pilotu Valtteri Bottas müsahibəsində bildirib ki, üçqat dünya çempionu olan komanda yoldaşı Luis Hamiltondan heç də geri qalmır.

Qeyd edək ki, finlandiyalı pilot Rusiyada karyerasının ilk qələbəsini qazansa da, digər yarışlarda Hamiltondan üstün olmaqda çətinlik çəkib. Bu barədə “F1.az” məlumat verib.

“Formula-1” iştirakçısı Bottas deyib: “Luis ilə tempimiz çox yaxındır. Aramızda heç bir fərq yoxdur. Özümə güvənirəm. Bəli, o uzun illərdir ki, komandadadır və məndən daha təcrübəlidir. Əlbəttə, Luis kimi pilotla komanda yoldaşı olmaq çətindir. O, çox sürətlidir və mənim inkişafıma kömək edir. Buna görə də xoşbəxtəm. Ümid edirəm ki, bundan sonra sürəti daha da artırıb, gözəl nəticələr qazanacağam”.

Ülviyyə VAHİDQIZI,
“Xalq qəzeti”