Azərbaycan IV İslam Həmrəyliyi Oyunlarının qalibi oldu

Şriftin ölçüsü:

23.05.2017 10:40 | Oxunma sayı: 1174

Bakıda keçirilən IV İslam Həmrəyliyi Oyunları başa çatıb. Apasport.az saytının məlumatına görə, paytaxtımızda təşkil olunan yarışa tennisçilərin mübarizəsi ilə yekun vurulub.

Bununla, İslamiadada 268 dəst medal öz sahibini tapıb. 11 gün ərzində 269 qızıl, 267 gümüş, 350 bürünc, ümumilikdə 886 mükafat 40 ölkə təmsilçisi arasında bölüşdürülüb. Yarışa qatılan 14 ölkənin komandası isə Bakıdan əliboş qayıdır.

Bu medallardan 162-si Azərbaycan idmançılarının payına düşüb. Ümumi medal sayında Türkiyədən (195) geri qalmasına baxmayaraq, əyarına görə yığmamız İslamiadanın qalibi olub. Bununla da ölkəmiz tarixində ilk dəfə multi-idman tədbirinin ən güclüsü adına yiyələnib. İndiyədək ən yaxşı nəticəmiz 2 il öncə Avropa Oyunlarında 2-ci pillədə qərarlaşmağımız idi.

Azərbaycan millisi həm də İslamiadaların ənənəsini davam etdirib. Belə ki, Səudiyyə Ərəbistanı 2005-ci, İndoneziya 2013-cü ildə təşkil etdiyi Oyunların qalibi olmuşdu. Lakin qızıl medal sayında həmin ölkələri də geridə qoyan Azərbaycan mütləq rekord müəyyənləşdirib. 75 çempionluq yaşayan millimiz İslamiadalar tarixinin görünməmiş nəticəsinə imza atıb. Türkiyə millisinin qazandığı 195 medal da tarixə rekord kimi düşüb.

Ümumilikdə isə yığmamız 75 qızılla yanaşı, 50 gümüş və 37 bürünc medal sevinci də yaşayıb. İkinci olan Türkiyə bizdən 4 qızıl az alıb. İlk “üçlüy”ü 98 mükafatla İran tamamlayır.

N	Ölkə	Qızıl	Gümüş	Bürünc	Cəmi
1	Azərbaycan	75	50	37	162
2	Türkiyə	71	67	57	195
3	İran	39	26	33	98
4	Özbəkistan	15	17	31	63
5	Bəhreyn	12	5	4	21
6	Əlcəzair	7	12	21	40
7	Mərakeş	7	5	15	27
8	İndoneziya	6	29	23	58
9	Misir	6	5	7	18
10	Qırğızıstan	4	5	8	17
11	Səudiyyə Ərəbistanı	4	1	6	11
12	İordaniya	3	1	11	15
13	İraq	2	7	5	14
14	Qazaxıstan	2	5	12	19
15	Türkmənistan	2	4	7	13
16	Qətər	2	3	7	12
17	Nigeriya	2	3	1	6
18	Suriya Ərəb Respublikası	2	2	6	10
19	Tunis	1	3	8	12
20	Kamerun	1	2	6	9
21-22	Banqladeş	1	1	1	3
	Seneqal	1	1	1	3
23	Qambiya	1	1	0	2
24-26	Benin	1	0	1	2
	Qvineya-Bisau	1	0	1	2
	Mozambik	1	0	1	2
27	Pakistan	0	3	9	12
28	Oman	0	3	4	7
29	Birləşmiş Ərəb Əmirlikləri	0	1	3	4
30-31	Qayana	0	1	2	3
	Surinam	0	1	2	3
32	Cibuti	0	1	1	2
33-34	Mali	0	1	0	1
	Uqanda	0	1	0	1
35	Əfqanıstan	0	0	6	6
36-37	Fil Dişi Sahili	0	0	4	4
	Tacikistan	0	0	4	4
38-39	Malayziya	0	0	2	2
	Yəmən	0	0	2	2
40	Livan	0	0	1	1
Cəmi		269	267	350	886

Yığmamızın birinci olmasında döyüş növlərinin rolu böyükdü. Komandamızın hesabına ən çox medalı cüdoçular (paracüdo) yazdırıb. Bu siyahıda güləş ikincidi. Həmçinin taekvando, boks, karate növləri də birinci olmağımıza töhfəsini verib. Medal sayında üçüncü olan növ atletikadı (paraatletika).

İslamiadada komanda idman növlərində də yetərincə medal qazandıq. Basketbolçular, voleybolçular və futbolçular mübarizələrini mükafatla başa vurublar. Həndbol yığmamız isə 2 medaldan birinə sevinə bilib.

İdmançılarımız yalnız su polosu və tennis üzrə medal qazana bilməyiblər.

Növ	Qızıl	Gümüş	Bürünc	Cəmi
Güləş	12	6	5	23
Cüdo/paracüdo	11	12	3	26
Atletika/paraatletika	10	4	4	18
Atıcılıq	6	3	1	10
Taekvando	6	2	1	9
İdman gimnastikası	5	5	2	11
Karate	5	2	3	10
Bədii gimnastika	4	2	2	9
Üzgüçülük	4	0	2	6
Boks	3	3	1	7
Suyatullanma	2	2	2	6
Basketbol	2	0	0	2
Zorxana	1	3	3	7
Voleybol	1	1	0	2
Ağır atletika	1	0	3	4
Futbol	1	0	0	1
Həndbol	1	0	0	1
Uşu	0	3	3	6
Stolüstü tennis	0	2	2	4
Su polosu	0	0	0	0
Tennis	0	0	0	0