IV İslam Həmrəyliyi Oyunlarını işıqlandıran media nümayəndələrindən biri də Məhəmməd Tartirdir. Fələstin idman televiziya kanalında çalışan həmkarımla həmsöhbət olub fikirlərini öyrəndik.

– Yeddi ildir ki, idman jurnalistiyəm. IV İslam Həmrəyliyi Oyunları mənim üçün ən yaddaqalan mötəbər yarışlardan olacaq. Yarışların təşkilatçılıq səviyyəsi, eləcə də açılış mərasimi çox möhtəşəm idi. Azərbaycanın ev sahibliyi etdiyi bu yarışlar dünya çempionatından, Rio Olimpiya Oyunlarından heç də geri qalmır. Açılış və bağlanış mərasimlərini, turnirlərin gedişini kanalımızda yetərincə işıqlandırdıq. İlk dəfədir ki, İslam Həmrəyliyi Oyunlarını işıqlandırıram. Lakin onu deyə bilərəm ki, Bakı bu yarışa çox yüksək səviyyədə hazırlaşıb. Bu Oyunlar müsəlman aləmini bir araya toplamaq, xalqlar arasında dostluq və sülhü təşviq etmək baxımından çox önəmlidir.

Söhbəti qələmə aldı:
 Əfsanə BAYRAMQIZI,
“Xalq qəzeti”