Medal qazanacağıma inanırdim. Bu, bizə olan etimadla yanaşı, həm də gərgin keçən məşqlərimizin bəhrəsi idi. Yeddi ildir ki, paraatletika ilə məşğulam. Bundan sonrakı yarışlarda da uğurlarımla xalqımızı sevindirib ümidləri doğrultmağa çalışacağam.

Vətənimizdə keçirilən yarışda iştirak etmək, doğma azarkeşlərin dəstəyini hiss etmək mənim üçün çox xoşdur. Rəqiblərim güclü idi. Lakin buna baxmayaraq, paraatletika ilə məşğul olan azərbaycanlı idmançılar olaraq, biz öz gücümüzü ortaya qoyduq. Bir qızıl və bir bürünc medalla yarışı başa vurdum. Qələbəmizdə bizə azarkeşlik edən və ruhlandıran tamaşaçıların da rolu böyükdür. Onlara təşəkkür edirəm. Azarkeşlərin alqışları bizi qələbəyə ruhlandırırdı.

Qarşıda Tokio Paralimpiya Oyunları,Avropa çempionatı kimi yarışlar var. İki ildən sonra ikinci Avropa Oyunları keçiriləcək. Əgər Avropa Oyunlarında paraatletika üzrə yarışlar keçirilsə, böyük həvəslə iştirak edəcəyəm.

Söhbəti qələmə aldı:
Ülviyyə Vahidqızı,
“Xalq qəzeti”