Müxtəlif idman növlərində qüvvələrini sınayan müsəlman ölkələrinin təmsilçiləri stolüstü tennis idman növündə də yarışlara qatılıblar. Final uğrunda  mübarizədə  Azərbaycanın stolüstü tennisçisi Zinq Ninqə məğlub olan İran təmsilçisi Nedə Şahsavari qəzetimizə açıqlama verib:

– Oyunlar gərgin keçdi. Stolüstü tennis çeviklik və diqqət tələb edən idman növüdür. Bu idman növündə uğur əldə etmək həqiqətən çox çətindir. Bu, həm də ən faydalı, sağlamlıq üçün çox münasib bir idman sahəsidir. Çalışdım ki, bütün qüvvəmi səfərbər edim. Oyunlar ədalətli keçirilir. Bundan əlavə, Bakıda tennis yarışları üçün ideal şərait yaradılıb. İdmançı üçün əsas amillərdən biri də məhz belə şəraitin yaradımasıdır.

N.Şahsavari əlavə edib ki, İslam Həmrəyliyi Oyunlarının keçirilməsi ölkələrimizin daha da yaxınlaşması və dünyaya birlik mesajı göndərməsi üçün çox mühümdür.

Qeyd edək ki, maraqlı keçən idman qarşılaşmasında Azərbaycan təmsilçisi 4:1 hesabı ilə İran təmsilçisini məğlub edərək finala çıxıb.

Anar TURAN,
“Xalq qəzeti”