Dünən İslamiadanın basketbol 3x3 yarışlarına da start verildi. Medallar  uğrunda mübarizəyə birinci olaraq qadın komandaları başladılar.

Azərbaycan basketbolçuları əvvəlcə Türkmənistan komandası ilə qarşılaşdılar və inamlı qələbə qazandılar–16:7. Göründüyü kimi, yığmamız ilk müvəffəqiyyətə doğru yolda elə bir çətinlik çəkməmişdir. Hesabda doqquz top üstünlük buna sübutdur.

Dünən Azərbaycan basketbolçularının ikinci rəqibi isə Əlcəzair yığması olmuşdur. Komandamız bu dəfə də meydanı qələbə ilə tərk etmişdir. Bu dəfə 20:14 hesabı qeydə alınmışdır.

İki görüşdə iki qələbə. Yaxşı başlanğıcdır!

O. BAYRAMOV,
“Xalq qəzeti”