İndoneziya Bakıda keçirilən IV İslam Həmrəyliyi Oyunlarında fəal iştirak edir və ümid edirik ki, bu oyunlar İslam ölkələri arasında qarşılıqlı anlaşmanın möhkəmlənməsinə öz töhfəsini verəcək.

Bunu Trend-ə İndoneziyanın Bakıdakı səfirliyinin birinci katibi Angela Soevono deyib.

Onun sözlərinə görə, Oyunlarda cüdo, karate, taekvondo, uşu, suyatullanma, basketbol, gimnastika və digər idman növlərində yüzdən çox indoneziyalı idmançı iştirak edir.

Diplomat qeyd edib ki, İslamiada sayəsində beynəlxalq ictimaiyyət Azərbaycan barədə daha çox biləcək. Bu yarışlar, həmçinin Azərbaycanın iqtisadi və turizm potensialının inkişafına da müsbət təsir göstərəcək.