Qadın voleybolçularımız kimi, kişilərdən ibarət komandamız da ilkin mərhələ görüşlərində elə bir çətinliklə üzləşməmişdir. Azərbaycan yığması yalnız Türkiyə komandası ilə oyunda müvəffəqiyyətə gərgin mübarizə şəraitində nail olmuş (3:2),  pakistanlı və fələstinli rəqiblərinə isə öz üstünlüklərini üç hissədə sübuta yetirmişdir.

Voleybolçularımız qrupda son oyunu dünən türkmənistanlı qonaqlarına qarşı keçirmiş və 3:0 hesabı ilə qalib gəlmişlər. Bu görüşün nəticəsindən asılı olmayaraq, yığmamız qrupda birinci yeri və yarımfinala vəsiqəni özünə təmin etmişdi.

İndi “Kristal Zal” yarımfinal və final görüşlərinə şahidlik edəcəkdir. Bu gözəl sarayda qızıl medalların öz sahiblərinin üzünə gülməsinə lap az qalır.