Mayın 16-da IV İslam Həmrəyliyi Oyunlarının voleybol yarışının altıncı gününün ilk oyunu kişilərin mübarizəsində “B” qrupunda yer alan İran və Mərakeş yığma komandaları arasında keçirilib.

Görüş İran millisinin 3:0 (25:15, 25:23, 25:11) hesablı qələbəsi ilə yekunlaşıb.

Günün ikinci oyununda kişilərin yarışında “A” qrupunda yer alan Azərbaycan və Fələstin milli komandaları qarşılaşıblar. Görüşün favoriti hesab olunan Azərbaycan millisi hər üç setdə böyük fərqlə qalib gəlib - 25:14, 25:17 və 25:12.

Sonuncu qarşılaşmada Qırğızıstanın və Tacikistanın qadın idmançıları üz-üzə gəliblər. Maraqlı idman mübarizəsi şəraitində keçən görüş 3:1 (25:23, 20:25, 25:16 və 25:6) hesabı ilə Qırğızıstan təmsilçilərinin xeyrinə başa çatıb.