Yarışlarda əksər ölkələr güclü komandalarla iştirak edirdilər. Buna baxmayaraq, Azərbaycan Milli Paralimpiya Komitəsinin cüdoçuları yarışlarda yaxşı nəticə göstərdilər.

Trend-in məlumatına görə, bunu jurnalistlərə Bakı-2017 İslam Həmrəyliyi Oyunlarında paracüdo üzrə qızıl medal qazanmış Elçin Talıbov deyib. O bildirib ki, ölkəmizin bayrağını yüksəltməyə çalışıblar:

“İstəyimiz Azərbaycanın adını yüksəltmək idi, buna nail olduq. Bir ailəyə iki medal apardıq. Qardaşım Natiq Talıbov da paralimpiyaçıdır. O da bürünc medal qazandı. Ailəmizin də sevincinin həddi-hüdudu yoxdur. İki qardaşın bir yarışda iştirak etməsi bizim ailəyə qismət oldu. Gələcəkdə keçiriləcək yarışlara da qatılacağıq və ölkəmizi layiqincə təmsil edəcəyik”.