Mayın 12-də IV İslam Həmrəyliyi Oyunlarının voleybol yarışları çərçivəsində kişi komandaların mübarizəsində Qətər-Əlcəzair və ­
İran-Səudiyyə Ərəbistanı oyunları keçirilib.

İlk oyunda Əlcəzair komandası sevinən tərəf olub. Gərgin idman mübarizəsi şəraitində keçən ilk setdə əlcəzairli voleybolçular 37:35 hesabı ilə qalib gəliblər. İkinci hissədə əlcəzairlilər daha böyük fərqlə üstün olublar - 25:14. Qətər yığması üçüncü setdə dönüş yaratmağa çalışsa da (25:17), dördüncü setdə əlcəzairlilər rəqibə şans verməyiblər - 25:21.

Beləliklə, görüş Əlcəzair millisinin 3:1 hesablı qələbəsi ilə yekunlaşıb.

Günün ikinci qarşılaşmasında İran millisi Səudiyyə Ərəbistanı komandasına 3:0 (25:18, 25:23 və 25:18) hesabı ilə qalib gəlib.

Mayın 13-də “A” qrupunda kişilər arasında Türkmənistan-Fələstin, Azərbaycan-Türkiyə, qadınların yarışında isə Azərbaycan-Tacikistan oyunları keçiriləcək.

AZƏRTAC