Budur, IV İslam Həmrəyliyi Oyunlarının futbol turniri start ərəfəsindədir. Artıq sabah Azərbaycan millisi ilk oyununda meydana çıxacaq.

Yaşar Vahabzadənin  komandası İslamiadaya Kamerun yığmasına  qarşı görüşlə başlayacaq. “Bayıl Arena”da keçiriləcək  oyunda topa  ilk  zərbə saat 18:30-da endiriləcək.

Futbolçularımız qrup mərhələsinin  növbəti iki görüşündə isə mayın 11-də Səudiyyə Ərəbistanı  və mayın 15-də  Mərakeş komandaları ilə qarşılaşacaqlar. Bu oyunlar da “Bayıl Arena”da keçiriləcək və saat 18:30-da başlanacaq. Bu rəqiblər “A” qrupuna daxildirlər.

“B” qrupunda isə Türkiyə, Əlcəzair, Fələstin  və Oman yığmaları çıxış edəcəklər. Hər qrupdan ən yaxşı iki komanda yarımfinala çıxıb medallar uğrunda mübarizəni  davam etdirəcək.

O.BAYRAMOV,
 “Xalq qəzeti”