IV İslam Həmrəyliyi Oyunlarının rəsmi dəstəkçisi, məhsullarının rəsmi tədarükçüsü və rəsmi supermarketi olan Fresco supermarketlər şəbəkəsi “Bakı 2017” Oyunlarına həsr olunmuş rəsmi promo məhsulların satışına başlayıb.

İslam Həmrəyliyi Oyunlarının əsas mövzusunu özündə əks etdirən və simvolizə edən məhsulların üzərində bir sıra idman növlərinin cizgiləri ilə yanaşı, islam mədəniyyətini özündə birləşdirən naxışlar əks olunub. Məhsullar arasında Oyunların əsas qəhrəmanları olan Qarabağ atları “Cəsur” və “İncə”-nin suvenirləri xüsusilə diqqəti cəlb edir.

Paytaxtımızın sakinləri və qonaqları müxtəlif  məhsulları Fresco supermarketlər şəbəkəsindən, Milli Dənizkənarı Bulvar, Fəvvarələr meydanı, Park Bulvar ticarət mərkəzi, Bakı Olimpiya Stadionu və Oyunların keçiriləcəyi digər idman komplekslərindən əldə edə biləcəklər.

Oyunlar müddətində Fresco supermarketlər şəbəkəsinin sosial şəbəkə səhifələrində biletlər və digər dəyərli hədiyyələri qazandıran əyləncəli müsabiqələr keçiriləcək.