Bu yoldaşlıq görüşü Azərbaycan milli futbol komandasının Avropa çempionatının seçmə yarışlarına hazırlıq prosesi çərçivəsində 2011-ci ilin fevralında Birləşmiş Ərəb Əmirliklərində keçirəcəyi təlim-məşq toplanışı günlərində baş tutacaq. Yığmamız Macarıstan komandası ilə fevralın 9-da Dubayda qarşılaşacaq.
Macarıstan yaxşı futbol ənənələrinə malik ölkədir. Avropa çempionatının seçmə turnirində Hollandiya, İsveç, Moldova, Finlandiya və San-Marino yığmaları ilə bir qrupda çıxış edən Macarıstan komandası dörd oyunda 9 xal toplayaraq ikinci yeri tutur. Şübhəsiz, təcrübəli rəqiblə görüş beynəlxalq meydanda çətin rəsmi sınaqlara hazırlaşan futbolçularımız üçün faydalı olacaq.