Dünən qadın voleybol komandaları arasında Çempionlar Liqası turnirinin qrup mərhələsinin dördüncü turu çərçivəsində növbəti oyunlar olmuşdur. “C” qrupunda çıxış edən “Azərreyl” doğma şəhərdə Fransanın “Sent-Rafael” klubunu qəbul etmişdir. Bu yaxınlarda fransızları səfərdə 3:1 hesabı ilə məğlubiyyətə uğradan Azərbaycan paytaxtı voleybolçuları Bakıda daha inamlı qələbə qazanmışlar –3:0.

Növbəti müvəffəqiyyət ilkin mərhələ yarışlarının finişinə iki tur qalmış “Azərreyl” komandasına turnir cədvəlinin ikinci pilləsində öz mövqeyini bir qədər də möhkəmləndirmək imkanı vermişdir.

Oqtay BAYRAMOV,
“Xalq qəzeti”