“Qəbələ”–“Neftçi”–1:0, AZAL–“Qarabağ”–1:2, “Zirə”–“Kəpəz”–1:0, “Sumqayıt”–“İnter”–2:2.

Bu nəticələrdən göründüyü kimi, Topaz Premyer Liqasının 16-cı turunda bütün dörd görüş  əvvəldən axıradək gərgin mübarizə şəraitində davam etmiş  və üç oyunda  qaliblər rəqiblərinə öz üstünlüklərini çətinliklə sübuta yetirə bilmişlər. Sumqayıtda qeydə alınmış dörd qol da komandaların yüksək fəallıq və əzmkarlığının nəticəsidir.

Bu turdan sonra liderlər “Qarabağ” (36 xal) ilə “Qəbələ” (35) arasında xal fərqi dəyişməyib, üçüncü yeri tutan “İnter”in isə 29 xalı vardır.

Növbəti, 17-ci turun oyunları bu gün və sabah keçiriləcəkdir. Bu turda azarkeşlər “Qarabağ”–“Zirə”, “Qəbələ”–AZAL, “İnter”–“Neftçi” və “Sumqayıt”–“Kəpəz” görüşlərini izləmək imkanı qazanacaqlar.

Oqtay BAYRAMOV,
“Xalq qəzeti”