Qadın voleybol komandaları arasında Çempionlar Liqası turnirinin qrup mərhələsinin növbəti turuna təsadüf edən bu oyunlar Bakıda keçiriləcək.

İlkin yarışlarda “B” qrupunda çıxış edən “Telekom” bu gün İtaliyanın “Modena” klubu ilə üz-üzə gələcək, “Azərreyl” (“C” qrupu) isə sabah Fransanın “Sent–Rafael” komandasını sınağa çəkəcək.

Əgər “Telekom” qrup mərhələsinin birinci dövrəsində keçirdiyi hər üç görüşdən məğlub ayrılıbsa, hesabında iki qələbə olan “Azərreyl”  6 xalla turnir cədvəlində ikinci pillədədir və pley-off mərhələsinə vəsiqə uğrunda mübarizədə yaxşı imkana malikdir. Bu yaxınlarda rəqib meydanında fransızlara qalib gələn voleybolçularımız onlar üzərində daha bir qələbə sayəsində indiki mövqelərini bir qədər də möhkəmləndirə bilərlər. Ümid edək ki, məhz belə də olacaq.

Oqtay BAYRAMOV,
“Xalq qəzeti”