Final: Fransa-Norveç

Parisdə kişilərdən ibarət həndbol komandaları arasında dünya çempionatı başa çatmaq üzrədir. Həlledici görüşdə qızıl medallar uğrunda Fransa və Norveç yığmaları mübarizə aparacaqlar.

Fransızlar yarımfinalda sloveniyalı rəqiblərini 31:25 hesabı ilə məğlubiyyətə uğratmış, Norveç həndbolçuları isə Xorvatiya idmançıları üzərində qələbə qazanmışlar – 28:25. 

Fransa –Norveç finalı bu gün keçiriləcəkdir.

Cəbəllütariq festivalında

Cəbəllütariqdə keçirilən beynəlxalq şahmat festivalının ustalar turnirində dörd turun görüşləri arxada qalmışdır. Azərbaycan milli komandasının üzvü Arkadi Naydiç 3 xal toplamışdır.

Turnirin liderləri isə İsrail şahmatçısı Emil Sutovski və Çin təmsilçisi Sziyi  Vensziyndir. Liderlərin hərəyə 4 xalı vardır.

Turnir 10 turdan ibarətdir və fevralın 2-də başa çatacaqdır. Dünən axşam beşinci turun görüşləri oynanılmışdır.

Oqtay BAYRAMOV,
“Xalq qəzeti”