İran İslam Respublikasının Rəşt şəhərində keçirilən XV Beynəlxalq “Xəzər kuboku” şahmat festivalında növbəti görüşlərlə yarışın birinci yarısı arxada qalmışdır.

Dörd turniri özündə birləşdirən festivalın ən nüfuzlu yarışı ustalar turnirində Azərbaycan təmsilçisi Ülvi Bacarani beş turdan sonra 3,5 xal toplamış və iranlı lider İdani Pouyadan bir xal geri qalır.

Festivalın “B” qrupunda isə ilk altı turda Azərbaycan şahmatçısı Riad Sarıyev 5 xal qazanaraq (4 qələbə, 2 heç-heçə) liderlər qrupunda irəliləyir. Sarıyevin həmyerlisi İlkin Rəhimli 4 xal toplamışdır.

Oqtay BAYRAMOV,
“Xalq qəzeti”