Futbol üzrə Azərbaycan kuboku yarışlarında dörddəbir final mərhələsinin cavab görüşləri oynanılmış və  bütün yarımfinalçılar məlum olmuşdur.

Fəxri mükafat uğrunda mübarizəni davam etdirmək hüququnu “Qarabağ”, “Qəbələ”, “İnter” və “Neftçi” komandaları qazanmışlar. Ağdam klubu “Sumqayıt”ı birinci oyundakı kimi, cavab görüşündə də böyük hesabla məğlubiyyətə uğratmış (6:0-dan sonra 5:2), “Qəbələ” AZAL üzərində iki qələbə qazanmış (2:1, 1:0), “İnter” futbolçuları “Kəpəz”dən güclü olmuş (2:0, 0:0), “Neftçi” isə iki oyunun yekununda topların fərqinə görə “Zirə”yə qalib gəlmişdir (3:0, 1:2)

Yarımfinalda “Qarabağ”-“Neftçi” və “İnter”-“Qəbələ” görüşləri keçiriləcəkdir. Bu mərhələnin oyunları 2017-ci il martın 30-na və aprelin 5-nə təyin edilmişdir.

Oqtay BAYRAMOV,
 “Xalq qəzeti”