Dekabrın 17-19-da keçiriləcək 17-ci turla Türkiyə Superliqasında birinci dövrəyə yekun vurulacaqdır. Xatırladaq ki, tərkibində Azərbaycan milli komandasının kapitanı Rəşad Sadıqovun da çıxış etdiyi "Əskişəhərspor" bu tur ərəfəsində "Beşiktaş"ı 2:0 hesabı ilə məğlubiyyətə uğradıb xal ehtiyatını 19-a çatdırmışdır.
Hazırda turnir cədvəlində 12-ci mövqedə olan "Əskişəhərspor" 20 xalla 10-11-ci pillələrdə irəliləyən "Qalatasaray" və "Ankaragücü" komandalarından 1 xal geri qalır.
Birinci dövrənin finişində Sadıqovun komandası çempionatda uğursuz çıxış edən və cəmi 8 xalla sonuncu, 18-ci yeri tutan "Kasımpaşa"nın qonağı olacaq. Superliqanın turnir cədvəlinə isə əvvəlkitək "Trabzonspor" başçılıq edir. Trabzonluların 39 xalı vardır.

Oqtay BAYRAMOV, "Xalq qəzeti"