Yunanıstanda keçirilmiş dünya çempionatının seçmə turnirində 2-ci qrupda ikinci yerlə kifayətlənərək növbəti mərhələyə vəsiqə qazana bilməyən Azərbaycanın qadınlardan ibarət milli həndbol komandasından fərqli olaraq, Türkiyə yığması bu vəzifənin öhdəsindən bacarıqla gəlmişdir.
Türkiyəli əl topu ustaları Portuqaliyada təşkil edilən turnirdə meydan sahibləri, Belarus və Finlandiya komandaları ilə mübarizədə bu rəqiblərin hər üçünə qalib gəlmiş (finlərə 36:26, Portuqaliyaya 31:18, Belarusa 33:31 hesabı ilə) və seçmə yarışlarının 3-cü qrupunda finişə turnir cədvəlinin zirvəsində çatmışlar.

Oqtay BAYRAMOV, "Xalq qəzeti"