İki gündən sonra Yaponiya paytaxtında cüdo üzrə "Böyük dəbilqə" turnirinə start veriləcəkdir. Azərbaycanın tatami ustaları bu mötəbər yarışda iki kişi və iki qadın cüdoçu ilə təmsil olunacaqlar.
Bir çox ölkə nümayəndələrinin mübarizə aparacağı Tokio turniri finişə yaxınlaşmaqda olan 2010-cu ildə bu növ üzrə son yarışlardan biridir və təbii ki, onun bütün iştirakçıları yüksək ustalıq nümayiş etdirmək əzmindədirlər. Qarşıdakı yarışda Elxan Məmmədov (90 kq), Elmar Qasımov (100 kq), Kifayət Qasımova (57 kq) və Ramilə Usubova (63 kq) ölkəmizə medal qazandırmağa çalışacaqlar.