Kolumbiyada keçirilən futzal üzrə dünya çempionatının qrup mərhələsində iki turun oyunları arxada qalmışdır. İspaniya, İran və Mərakeş yığmaları ilə birlikdə "F" qrupunda çıxış edən Azərbaycan millisi startda Afrika çempionu Mərakeşi beş cavabsız qolla məğlubiyyətə uğratdıqdan sonra növbəti görüşdə Avropa çempionu İspaniyaya 2:4 hesabı ilə uduzmuşdur.

İki turdan sonra qrupun turnir cədvəlinə 6 xala malik ispanlar başçılıq edirlər. İkinci-üçüncü pillələrdə hərəyə 3 xal toplayan Azərbaycan ( topların fərqi-7:4 ) və İran ( 6:8 ) komandaları irəliləyirlər. Mərakeşlilər hər iki oyunda uduzmuşlar.

İlkin mərhələ görüşləri altı qrupda keçirilir. Hər qrupdan ən yaxşı iki komanda, habelə qruplarda üçüncü yerləri tutan kollektivlər arasında daha yaxşı nəticə göstərən dörd komanda səkkizdəbir finalda mübarizəni davam etdirəcəkdir.

Azərbaycanın futzal ustaları qrupda sonuncu görüşü İran komandasına qarşı keçirəcəklər.

Oqtay BAYRAMOV,
 "Xalq qəzeti"