16 yaşadək futbolçulardan ibarət Azərbaycan yığması ilə müvafiq yaş qrupundan ibarət Gürcüstan yığma komandası arasında yoldaşlıq oyunu keçirilib. Tural Məhəmmədovun dublu və Kamran Abdullazadənin vurduğu bir qol sayəsində qarşılaşma 3:1 hesabı ilə yığmamızın xeyrinə başa çatıb.
Xatırladaq ki, bu komandalar arasında aprelin 16-da keçirilən yoldaşlıq oyununda da yığmamız qələbə qazanmışdı - 1:0.

AFFA-nın nümayəndə heyəti FİFA-ya gedib
2012-ci ildə 17 yaşadək qızlardan ibarət yığma komandalar arasında futbol üzrə dünya çempionatının final mərhələsinin ölkəmizdə keçirilməsi ilə əlaqədar FİFA rəhbərliyinin dəvəti ilə AFFA-nın nümayəndə heyəti beynəlxalq futbol qurumunun qərargahına gedib. Baş katib Elxan Məmmədovun rəhbərlik etdiyi nümayəndə heyətinə hüquqşünas Rəmiş Malıyev, marketinq və reklamlar departamentinin rəisi Cavid Qarayev və beynəlxalq departamentin mütəxəssisi Könül Mehdiyeva daxildir.