Tezliklə, dekabrın ikinci ongünlüyündə Polşa paytaxtında şahmatın blits və rapid növləri üzrə Avropa çempionatı keçiriləcəkdir. Çempionatın rəsmi saytında verilmiş siyahılarda göstərildiyi kimi, hələlik blits turnirində 175, rapiddə isə 322 rəqib iştirakını təsdiqləmişdir. Onların 60 nəfərdən çoxu qrossmeysterdir.
Avropa çempionatının medalları uğrunda ukraynalılar Vasili İvançuk, Ruslan Ponomaryov, ispaniyalı Aleksey Şirov, Baadur Cobava (Gürcüstan), Maksim Vaşye-Laqrav (Fransa), Yudit Polqar (Macarıstan) və digər məşhur şahmatçılarla yanaşı, azərbaycanlı qrossmeyster Vüqar Həşimov da mübarizə aparacaq. Siyahılarda daha iki təmsilçimizin Sərxan Həşimov və Zaur Ocaqverdiyevin də adları vardır.
Birinci olaraq dekabrın 17-də blits turnirinin iştirakçıları qalib və mükafatçıları müəyyənləşdirəcəklər. Rapiddə isə ən güclülər dekabrın 18-19-da keçiriləcək görüşlərdən sonra məlum olacaq.{nl}

O.BAYRAMOV, "Xalq qəzeti"