Xarici KİV-lərdə yayılmış məlumata görə, növbəti mövsüm üçün “Formula-1”in təqvimi hələ təsdiq olunmasa da, bəzi faktlar artıq dəqiq müəyyənləşib. Məsələn, gələn il keçiriləcək birinci yürüşün yeri və vaxtı açıqlanıb.

Bütün son illərdəki kimi, yeni mövsüm də Avstraliyada, Melburn şəhərində başlanacaq və ona martın 19-da start veriləcək. Bunu “Formula One Management”in prezidenti Berni Ekklstoun bildirib. Amma o, 2017-ci ildə neçə yürüşün keçiriləcəyi barədə suala cavab verə bilməyib. Yalnız onu deyib ki, ən azı 18, ən çoxu 21 yürüş olacaq.

Oqtay BAYRAMOV, "Xalq qəzeti"